Ingelesez egingo den solasaldi honetan, Olga Fernández UPV/EHUko irakasle eta ikerlariaren gidaritzapean, irlandar literatura fantastikoaren inguruan arituko dira. Gonbidatu moduan Asier Altuna doktorea, irlandar ikasketen arloan nazioarteko sona duena, eta Sheila Amstrong eta Jan Carson idazle irlandar ospetsuak izango dira. Ekitaldia Jorge’s Brothers bikotearen musikak lagunduko du.
